Urime! Jeni shtatzanë! Me siguri tani do të keni më tepër dëshirë të qëndroni në shtrat duke parë televizor apo duke lexuar diçka, kjo pasi edhe lodhja që do të ndieni do të jetë më e madhe.

Duke qënë kështu, ju këshillojmë të shikoni:

• Çfarë të prisni ndërsa jeni shtatzanë (What to expect when you’re expecting)

Është një komedi romantike që ka në qendër të skenarit disa gra shtatzana, dhe vështirësitë e tyre gjatë ndryshimeve hormonale. Aventura nga më të bukurat do t’ju bëjnë të keni një humor më të mirë.

• Junior

Ky është një film komedi që ka si subjekt një shtatzani të ngjizur në trupin e një burri, dhe konkretisht të doktor Hess që eksperimenton një medikament fertiliteti tek vetja, kur në të vërtetë duhet ta merrte nëna e tij. Aventura e tij që përfundon në një operacion çezarian.

• Baby mama

Historia në qendër të filmit i përket një zonje beqare me emrin Kate e cila ëhstë një grua në karrierë, por që do patjetër një fëmijë. Kështu ajo paguan një vajzë jo të edukuar të kryejë fertilizimin In-Vitro në vend të saj.

• Dhimbjet e lindjes (Labor pain)

Të jesh dhe të mos jesh shtatzanë! Thea është një vajzë sekretare e cila duke qënë se ka frikë të humbë punën sajon një shtatzani…

• Plani B (the back-up plan)

Një komedi që ka në qendër të saj një shtatzani të ngjizur In-Vitro, me protagonisten kryesore Jenifer Lopez. Në momentin që ajo mëson se është shtatzanë, njeh personin e ëndrrave. Por si do ta presë ai shtatazaninë multiple të saj?