Pas Kastratit edhe Tom Doshi me media të vetën ?!

Në qarqet gazetareske edhe Tom Doshi, po përflitet se është përfshirë në një operacion për të marrë nën kontroll “News 24”, ose televizionin e ri që ende nuk ka startuar “Panorama TV”.

Ende “fjalë” janë, por do merret vesh shpejt …

Gazetari i ekonomisë, Klodian Tomori, në një shënim të shkurtër në faqen e tij në FB këtë situatë ( fenomen ) e shpjegon kështu:

“Gjithsesi këto lëvizjet e reja në tregun mediatik janë interesante. Balfin tek Scan. Kastrati tek Euronews. Më parë Allajbeu tek ABC News. Të gjitha grupet e fuqishme të biznesit po hyjnë në tregun mediatik. Por shkaku është, edhe më interesant.
Shkaku ishte njëri me rrogë të madhe, që herë pas here rriste tarifat e reklamave ( gjobave ). D.m.th mblidhej bordi aty, si këto bordet e çmimeve të Ramës, caktonte tarifat e reja të reklamave dhe lëshonte faturat përkatëse. Ndaj në një aspekt, kjo ngjan me luftën e ftohtë. Kur armatoset dikush me armë berthamore, je i detyruar të armatosesh dhe ti. Teoria e mutual destruction. Eshte ajo që ruan paqen në botë. Po ma hodhe bombën bërthamore, ta hedh dhe unë ty”.

“Ora News” e ka Ylli Ndroqi

Klodian Allajbeu ka “ABC News” ndersa në Kosovë “Express” dhe televizioni T7.

Saimir Mane ka televizionin me natyrë ekonomike “SCAN”, është aksionier edhe te “Tv Klan”.

“Kastrati group” bleu “Euronews Albania”