Jennifer Lopez ka treguar se po bënte banjë me flluska kur Ben Affleck i propozoi asaj për martesë.

“Të shtunën në mbrëmje, ndërsa isha në vendin tim të preferuar në Tokë (në banjën me flluska), dashuria ime e bukur u gjunjëzua dhe propozoi martesë”, shkroi këngëtarja përmes buletinit të saj “On The JLo” të martën.

Lopez, 52 vjeç, tha se po qante kur Affleck, 49 vjeç, i kërkoi asaj të martohej me të dhe se thjeshtësia e gjithë kësaj e bëri atë shumë më romantike.

“Për mua ishte fare e papritur dhe thjesht e pashë në sy, buzëqesha dhe nisa të qajë duke menduar në kokën time sesi pas 20 vitesh kjo ishte duke ndodhur sërish. Thuajse nuk i ktheva përgjigje fare, por ai e kuptoi dhe tha: “Ta marr si ‘Po'”? Patjetër që ishte një PO! Isha kaq e lumtur sa lotët më rridhnin në faqe. Nuk kishte asgjë luksoze tek ai propozim, por ishte gjëja më romantike që mund të imagjinoja ndonjëherë. Ishte një mbrëmje e qetë e një të shtune në shtëpi, kur dy njerëz premtuan se do të jenë gjithmonë aty për njëri-tjetrin. Dy njerëz me shumë fat, që i erdhi një shans i dytë për të përjetuar dashurinë e vërtetë,”- vijoi ajo më tej.