Elvi Fundo ka komentuar vendimin e marrë nga Departamenti amerikan i Thesarit për shpalljen non grata të ish deputetit të PS, Aqif Rakipi dhe Ylli Ndroqit.

Ai ka ngritur pikëpyetjen nëse kryeministri Edi Rama ka qenë ai që e ka shitur ish deputetin Aqif Rakipin tek Shtetet e Bashkuara.

“Rama mos ndoshta nuk e hiqte dot Aqif Rakipin dhe e shiti tek amerikanët? Mos e shiti siç shiti Lefter Kokën, Alqi Bllakon, Sajmir Tahirin? Për karriken e tij ai mund të bëjë gjithçka. Shet dhe tregëton gjithçka”, është shprehur ai.

Fundo shtoi se as Rakipi i as Ndroqi nuk janë “peshqit e mëdhenj”. Sipas tij, ka një sërë çështjesh të cilat janë shumë më të rëndësishme se kjo.

“Mali është në Kryeministri, janë  inceneratorët, check up-i, koncensionet, taksat që vidhen. Nuk është “mali” Aqif Rakipi dhe Ylli Ndroqi. Fajet nuk janë individuale, sepse ç’kuptim do të kishte atëherë. Kryeministri ka përgjegjësi për shumë çështje, mes të cilash edhe për aferën e inceneratorëve për të cilat kryeministri Rama ka firmosur”, ka deklaruar ai.