Deputeti demokrat dhe anëtari i Rithemelimit, Luçiano Boçi, e ka konsideruar Kongresin Kombëtar socialistëve të zhvilluar të shtunën, një ritual sekti.

Për Syri Tv, Boçi u shpreh se në fjalimin e tij Rama kërkoi eliminimin e opozitës, duke e konceptuar atë një revansh që do t’i japë kryeministrit triumfin.  

“Për mua nuk ishte kongres por një ritual që synon të zëvendësojë institucionet legale me një ritual sekti. Ju e patë dhe qëndrimin që ai shfaqi sepse eliminimi i opozitës është një revansh i kërkuar që kërkon të triumfojë për atë goditje që mori në vitet 90 siç është një revansh politik ndaj sistemeve. Tani nuk ka më institucione vendimarrëse, nuk ka më parlament nuk ka më qeveri dhe nuk ka më as drejtësi. Kjo është zëvendësuar me këtë ritual qe Rama e quan ‘kongres’ por ne konceptin tim politik nuk është as ‘kongres’ sepse aty nuk dëgjuam kauza , por një revansh të padëgjuar më parë”, tha Boçi.