Hwang Dong-hyuk, skenaristi dhe regjisori i serialit më të njohur të Koresë së Jugut “Squid Game”, zbuloi se dy nga personazhet e serialit dramatik do të rikthehen për sezonin e dytë.

Cilët janë ata? Protagonisti dhe një nga antagonistët kryesorë. ‘Gi-hun me siguri.’ Hwang zbuloi: “Ai do të kthehet dhe besoj se Front Man do të kthehet gjithashtu”.

Gi-hun ishte i vetmi i mbijetuar dhe fitues i serisë së lojërave vdekjeprurëse. Në fund të sezonit, Gi-hun shfaqet në dilenë nëse duhet të shkojë të takojë vajzën e tij në SHBA apo të ndalojë lojërat vjetore, vdekjeprurëse, ku edhe ai vetë ishte pjesë. Nga ana tjetër, The Front Man, i luajtur nga ylli korean Lee Byung-hun nën maskë, është antagonisti që udhëhoqi organizimin e lojës, duke mbikëqyrur gjithçka ndërsa 456 lojtarët pa para rrezikuan jetën e tyre për çmimin befasues prej mbi 45 miliardë dollarësh.

Rikthimi i këtyre personazheve nuk duhet të jetë befasi pasi ata ishin pjesë e atyre pak që mbijetuan deri në fund të serialit.

Hwang shpjegoi gjithashtu se temat e pranishme në Squid Game, si pabarazia ekonomike, do të vazhdojnë të jenë pjesë e serialit Netflix si dhe veprave të tij të ardhshme: “Për këtë projekt dhe në projektet e ardhshme, është e pamundur të mos merret parasysh polarizimi politik, dallimet dhe vështirësitë kulturore, si dhe ndryshimet klimatike mjedisore që kanë ndodhur. Do të detyrohem të vëzhgoj dhe kritikoj dhe të vazhdoj t’i trajtoj këto tema në projektet e ardhshme.”

Që kur u publikua në shtator të vitit të kaluar, Squid Game u bë seriali më i ndjekur i Netflix.