Ben Affleck dhe Jennifer Lopez janë fejuar sërish!

Lopez njoftoi fejesën në një video të shkurtër përmes buletinit të fansave të saj, “On The JLo”, në të cilën ajo shikon me adhurim një unazë diamanti me ngjyrë të gjelbër.

“Je perfekt,” thotë Lopez në një zë ndërsa luan muzikë romantike Lopez publikoi njoftimin “emocionues dhe të veçantë” në Facebook në fillim të mbrëmjes së të premtes.

Burime pranë këngëtares thonë se video është në fakt një shpallje fejese. Lopez, 52, dhe Affleck, 49, ndezën thashethemet e fejesës në fillim të kësaj jave, kur ajo u fotografua me një unazë në gishtin e saj të martesës, ndërsa bënte pazar në LA me vajzën 14-vjeçare Emme. Burime të afërta me Affleck kohët e fundit i thanë Page Six se nuk do të tronditeshin nëse ai do të kishte propozuar përsëri.

Çifti fillimisht nisi të takohej në vitin 2002 dhe u quajt shpejt “Bennifer” nga fansat dhe mediat. Të dy sigurisht nuk ishin të trembur për të shfaqur dashurinë e tyre për njëri-tjetrin në atë kohë, duke përfshirë skenat e mbushura me PDA nga videoklipi i Lopez “Jenny From the Block”. Në nëntor të atij viti, Affleck i propozoi Lopez-it një diamant rozë 6.1 karatësh nga Harry Winston, që thuhet se kushtoi 2.5 milionë dollarë.

Fatkeqësisht, vëmendja masive nga media bëri që çifti të shtynte dhe përfundimisht të anulonte dasmën e tyre të vitit 2003.

“Për shkak të vëmendjes së tepruar të medias rreth dasmës sonë, ne kemi vendosur të shtyjmë datën”, tha çifti në një deklaratë të përbashkët. “Kur e gjetëm veten duke menduar seriozisht për të punësuar tre “nuse të ndara” në tre vende të ndryshme, kuptuam se diçka ishte e gabuar.”

Deklarata vazhdoi: “Ne filluam të ndjenim se fryma e asaj që duhej të ishte dita më e lumtur e jetës sonë mund të komprometohej. Ndjemë se ajo që duhet të ishte një ditë e gëzueshme dhe e shenjtë mund të na prishej për ne, familjet tona dhe miqtë tanë.”

Lopez e ndërpreu fejesën në fillim të vitit 2004 dhe u martua me këngëtarin Marc Anthony në qershor të të njëjtit vit. Me të cilin solli në jetë binjakët Max dhe Emme në 2008. Ndërkohë, Affleck vazhdoi me Jennifer Garner. Ai u martua me aktoren në vitin 2005 dhe kanë tre fëmijë së bashku: vajzat Violet dhe Seraphina dhe djalin Samuel. Të dy martesat e tyre përfunduan në divorc, megjithatë, me Lopez që hyri në një tjetër romancë të stuhishme me Alex Rodriguez në 2017. Nga ana e tij, Affleck ishte i lidhur me disa femra, duke përfshirë yllin e “Knives Out” Ana De Armas deri në ndarjen e tyre në janar 2021.

Menjëherë pas ndarjes së Lopez nga Alex Rod.,  aktori Affleck u fut shpejt “në lojë” dhe u rilidh me këngëtaren 18 vite pas ndarjes së tyre. Dyshja – të cilët sapo hodhën 50 milionë dollarë në një rezidencë në Bel Air – kanë qenë të fortë që nga momenti i lidhjes.

“Unë nuk mendoj se dikush ishte më i befasuar se ne,” pranoi JLO në “The Ellen DeGeneres Show” në shkurt. “Nuk mund ta imagjinonit kurrë se diçka e tillë mund të ndodhte. Është një gjë e bukur.”