Radar
Rama “merr drejtimin” e SPAK-ut/ Nxjerr jashtë loje Arben Krajën
Kryeministri Edi Rama disa herë gjatë fjalimit të tij në Kongresin e PS-së ka përmendur dënimin e Rovena Vodës dhe ka kritikuar SPAK.
Rama ka kritikuar SPAK-un se nuk po vepron për ngjarje më të mëdha, dhe se ka dënuar një zyrtar që ka marrë një arke me peshk.
Kryeministri ka marrë rolin e Arben Krajës, kreut të SPAK, ndërsa ka thënë se përse SPAK nuk i thërret prokurorët e shkarkuar nga Vettingu për pasurinë.
“Si ka mundësi asnjë prokuror i korruptuar nga ata që i nxori Vettingu jashtë me shkelma nuk është thirrur nga SPAK”, është shprehur Rama.
Kryeministri ka çuditur, kur është shprehur se pa PS dhe pa këtë Kongres nuk do të kishte reforme në drejtësi.
“Pa këtë kongres dhe pa këtë parti drejtësi s’kishte për të pasur absolutisht jo”, ka thënë Rama, ndërsa i ka kushtuar një pjesë të madhe të kohës prokurorëve të SPAK-ut, duke iu përcjellë mesazhe se çfarë duhet të bëjnë.
