Radar
“Mbylle se do flasin edhe tjerët”, ‘përplasen’ socialistët në Kongres: Ti do që të mos flas, kjo s’ka ndodhur që në 1990
Deputetët e PS, Erion Braçe dhe Arben Pëllumbi kanë patur një debat gjatë zhvillimit të punimeve të Kongresit të PS.
Ndërsa Braçe ngriti disa shqetësime për sektorin e bujqësisë, Pëllumbi i ka kërkuar ta përmbledhë fjalën pasi duhet të flisnin edhe të tjerë, por kjo ndërhyrje nuk është mirëpritur nga Braçe.
Arben Pëllumbi: Të lutem, përmbylle se duan të flasin dhe të tjerë.
Erion Braçe: Unë me thënë të drejtën dëgjova deri tani, i pranoj lavdërimet, po do të ndanim shqetësime që të ndryshojmë se vitin tjetër do jetë vonë, për PS dhe për bujqësinë mbi të gjitha. Tani ti do që unë të mos flasë, por që nga 1990 nuk ka ndodhur kjo gjë.
