Kryeministri Edi Rama ka folur për arrestimin e ish ministrave që kanë qenë pjesë e kabinetit të tij qeverisës, apo edhe ish deputetit të Alqi Bllakos disa ditë më parë.

I ftuar në Opinion, Rama u pyet se si ndihet kur disa nga ish bashkëpunëtorët e tij ndodhen në burg.

“Janë gjëra të ndara. Raportet personale janë një gjë, dhe raporti i punës me raportit e secilit me ligjin janë tjetër.

Me Kokën kam bashkëpunuar shkëlqyeshëm. Në sa kemi parë deri tani Koka akuzohet për vepra që nuk i përkasin procesit në vetvete por një marrëdhënie korruptive me subjektet dhe individi futet vet ose me shokë. Me mua kjo nuk bën vaki. Jam shumë i qartë që kur i jap cdo ministri mandatin.  

I them që në atë karrige ju kam zgjedhur unë për atë që përfaqësoni. Nga ky moment atë karrigen do ta mbani vetë, dhe për çdo gjë që ju larg qoftë do të bëni pas shpinës timen apo këtij grupi këtu do të përgjigjeni personalisht”

Përgjegjësia ime morale ndaj atyre njerëzve është qe kur une u them qe ne kete vend do te kete drejtësi dhe ajo do te shikoje drejt dhe kujt i rreshket kemba do identifikohet si i tille do pergjigjet atje.  Kjo është arsye që të ndihem faqebardhë moralisht ndaj tyre.

Edhe me Alqin kam patur marrëdhënie sistematike , për punën nuk kishte asnjë të sharë. Nëse i ka bërë ato që i nxjerr hetimi… Nëse një ministër merr lek nga një subjekt, drejtësia të jetë në gjendje ti hetojë se për këtë punë është ngritur SPAK. Duart nuk i mbaj as në xhepat e mi e jo më tjerëve”, tha Rama.