Ka përfunduar takimi mes ambasadores Yuri Kim dhe kreut të grupit parlamentar të PD, Enkelejd Alibeaj.

Në një postim në Tëitter, Kim ka zbardhur detaje nga takimi me Alibeajn, Ajo shkruan se kanë diskutuar për shumë çështje, teksa thekson forcimin e marrëdhënieve mes SHBA-së dhe Partisë Demokratike.

Kim në postimin e saj ka cilësuar Alibeajn si liderin e PD, duke rikonfirmuar vendosmërinë për të mos njohur ish-kryeministrin Berisha dhe Komisionin e Rithemelimit.

“Diskutim shumë i mirë sot me liderin e PD Enkelejd Alibeaj për një gamë të gjerë çështjesh. SHBA ka pasur një marrëdhënie të fortë, të veçantë me PD që në lindjen e saj. Ne e vlerësojmë këtë marrëdhënie dhe rolin e domosdoshëm të PD-së për Shqipërinë – shpresojmë që të dy vetëm të forcohen.

SHBA dhe Shqipëria kanë shumë punë përpara për ta mbajtur Shqipërinë në rrugën e anëtarësimit në BE, demokracinë, ndërtimin e bashkëpunimit në mbrojtje dhe zgjerimin e mundësive të biznesit dhe ekonomik për të gjithë. Le të vazhdojmë së bashku përpara, jo mbrapa!”, shkruan Yuri Kim.

https://twitter.com/USAmbAlbania/status/1511293827411238919?ref_src=twsrc%5Etfw%7Ctwcamp%5Etweetembed%7Ctwterm%5E1511293827411238919%7Ctwgr%5E%7Ctwcon%5Es1_&ref_url=https%3A%2F%2Fpolitiko.al%2Fe-tjera%2Fperfundon-takimi-ne-kryesi-cfare-diskutoi-yuri-kim-me-alibeajn-i457281