Radar
Pas disa muajsh përçarje, Berisha dhe deputetët e Shkodrës shfaqen të bashkuar në homazhet e 2 prillit
Pas disa muajsh përçarje, deputetët e PD në Shkodër dhe ish kryeministri Sali Berisha janë shfaqur të bashkuar.
Ata janë shfaqur krah njëri-tjetrit në ceremoninë e organizuar në përkujtim të masakrës së 2 prillit. Deputetet e Shkodrës, Helidon Bushati, Emilia Koliqi, Zef Hila, Greta Bardeli dhe Ramadan Lika të cilët deri më 6 mars ishin të rreshtuar në krah të Lulzim Bashës, sot u panë pranë Berishës dhe duke shtrënguar duart.
Berisha ka bërë thirrje vazhdimisht për bashkimin e demokratëve dhe u shpreh se jo publikisht, edhe më herët është takuar me deputetët e PD me të cilët ka pasur përplasje pas vendimit për përjashtimin e tij nga grupi parlamentar për shkak të shpalljes “non grata” nga SHBA. Kujtojmë se në 6 mars ‘Rithemelimi’ fitoi bashkinë e Shkodrës me Bardh Spahinë i cili u betua zyrtarisht pak ditë më parë.
