Ish-Kryeministri Sali Berisha thotë se dera e Partisë Demokratike do të jetë e hapur për të gjithë, përfshirë edhe ata që i dolën kundër pasi u përjashtua nga Lulzim Basha për shkak të shpalljes së tij ‘non ngrata ‘ nga SHBA.

I ftuar në ‘Zonë e Lirë’, Berisha thotë se askush nuk përjashtohet nga PD.

“Tani që u riktheve në seli, a e ke të qartë se një parti e rithemeluar nuk e ka luksin të mbajë akoma brenda saj edhe ata që të futën “thikën pas shpine”, madje as ata që të hodhën gaz lotsjellës në shtëpinë tënde në 8 Janar?”, pyetet Berisha.
“Këtu nuk jam dakord. Një parti e rithemeluar do të thotë, konsolidon diversitetin, lirinë e mendimit. Ajo që ndodhi ishte një zhvillim brenda familjes dhe duhet trajtuar si e tillë. Asnjeri nuk përjashtohet.”, u shpreh Berisha.

Po ashtu, ish lideri i PD shprehet se asnjë derë e blinduar nuk do të vendoset më në selinë e Partisë Demokratike.

“Dera e blinduar e hequr mund të mbetet diku si instalacion por ato dyer nuk blindohen më kurrë”, tha ai.