Materiali nga laptopi famëkeq i djalit të presidentit amerikan Joe Biden, Hunter Biden u fut në Regjistrin e Kongresit të martën me kërkesë të përfaqësuesit republikan Matt Gaetz.

Republikani nga Florida e bëri këtë veprim gjatë një seance dëgjimore mbi mbikëqyrjen e Divizionit Kibernetik të FBI-së pasi ndihmësdrejtori i saj, Bryan Vorndran, dëshmoi se ai ‘nuk kishte asnjë informacion në lidhje me laptopin Hunter Biden’, të cilin byroja e sekuestroi nga një dyqan riparimi në Delaware në dhjetor 2019.

Kryetari i Komitetit Gjyqësor të Dhomës së Përfaqësuesve, demokrati Jerry Nadler fillimisht e bllokoi kërkesën e Gaetz, por u tërhoq pak kohë më vonë.

Gaetz e festoi arritjen duke postuar një videoklip në Twitter, ku shkruante, ‘Fletëthirrje për Hunter Biden!’

Është e paqartë nëse materiali i futur në procesverbal përfshin shumë foto dhe video eksplicite seksuale të ruajtura në laptop dhe një zëdhënës i Gaetz nuk iu përgjigj një pyetjeje me email.

Pamjet e turbullta përfshijnë një video klip 12-minutëshe, e cili duket se tregon djalin e Presidentit Biden duke pirë duhan, ndërsa ishte i përfshirë në një akt seksual me një grua të paidentifikuar.

Më herët, Gaetz mbajti atë që dukej të ishte një hard disk i vogël i jashtëm, ndërsa tha: “Kërkoj pëlqimin njëzëri për të futur në procesverbalin e këtij komiteti, përmbajtjen e laptopit të Hunter Biden, të cilin e zotëroj.”

Pronari i dyqanit ku u sekuestrua laptopi, John Paul Mac Isaac, është i verbër dhe ka thënë se nuk mund të identifikojë se kush e ka lënë laptopin e dëmtuar nga uji dhe nuk e ka marrë kurrë.

Mac Isaac më vonë ia dorëzoi përmbajtjen e laptopit ish-kryebashkiakut të qytetit të Nju Jorkut, Rudy Giuliani, i cili i ndau materialet me New York Post në tetor 2020, duke çuar në një seri të suksesshme raportesh ekskluzive.

Në një paraqitje vitin e kaluar në ‘Sunday Morning’ të CBS, Hunter Biden tha se laptopi i lënë në dyqan ‘me siguri mund të ketë qenë i tij, duke thënë se ‘mund të jetë një laptop që i ishte vjedhur. Mund të jetë që unë jam zhvatur, mbase ka qenë e përfshirë edhe inteligjenca ruse’.

Në fillim të këtij muaji, Mac Isaac tha për New York Post se ai po përballet me falimentimin pasi ‘ka marrë shumë kërcënime me vdekje’ dhe ngacmime që e detyruan atë të mbyllte dyqanin e tij dhe të ikte në Kolorado për gati një vit.