Radar
Luljeta Bozo kundër uljes së taksave: Njerëzit duhet të solidarizohen me krizën, sytë në ballë i kanë
Deputetja e PS, Luljeta Bozo ka komentuar krizën ekonomike që ka përfshirë vendin, pas luftës ruse në Ukrainë.
E ftuar në emisionin “Top Talk”, Bozo shprehet se njerëzit duhet të solidarizohen me situatën.
“Duhet të sensibilizohen njerëzit, se sytë në ballë i kanë… ata shkojnë përditë që blejnë dhe menjëherë sinjalizojnë, të vijnë grupet, të kontrollojnë dhe të marrin masa. Kjo është situatë e jashtëzakonshme”, tha Bozo.
E pyetur nëse heqja e TVSH-së është e nevojshme për të sjellë uljen e çmimeve për produktet e shportës dhe të hidrokarbureve, Bozo thotë se nuk do të ndikonte.
“Ulja e TVSH-së për konsumatorin nuk ka asnjë rezultat. Shteti subvencionon 80% të energjisë, të asaj që ne paguajmë në shtëpi, po nga t’i nxjerrë këto lekë shteti”, shprehet deputetja me e vjeter e kuvendit.
Bozo thotë se shërbimet për qeveritarët janë reduktuar, megjithatë duhen shqyrtuar shërbime të tilla luksi në një kohë krize.
“Janë ulur në maksimumin e mundshëm. Shpenzimet për shërbimet ndaj qeveritarëve janë ulur në minimumin e mundshëm. Këto gjëra nuk zënë kaq shumë peshë, edhe pse nuk e diskutoj që duhen pasur në konsideratë”.
