Këto janë pamjet e hidrocentralit të Fierzës këtë fundjavë. Niveli aktual është vetëm pak metra larg pikës së vdekjes.

Mungesa e reshjeve për një kohë të gjatë ka sjellë ulje të konsiderueshme të nivelit të ujit në basenin e kaskadës. Prurjet e lumenjve që furnizojnë liqenin e Fierzës kanë rënë nën mesataren vjetore të 10 viteve të fundit

Në këtë moment, kur vendi po përballet me krizë energjitike, zërat për keqmenazhim nga ana e qeverisë janë shtuar.

Sipas informacioneve që po qarkullojnë në media, prej disa ditësh në këtë hidrocentral nuk po prodhohet energji elektrike, pasi niveli është 247 metra nga 240 metra që është kuota minimale. Shpresa e vetme janë reshjet qe priten gjatë prillit, i cili zakonisht është një muaj me shira (“plakat e prillit”).

Kryeministri Edi Rama deklaroi disa javë më parë se vendi nuk ka aftësi ta mbajë energjinë dhe e shet, por eksporti bëhet në momente kur çmimi në treg është i ulët.

“Ne e blemë shtrenjtë sepse kur dalim për ta kërkuar ka shumë kërkesë se është verë ose kohë si kjo tani. Tani jemi në kushtet kur niveli teknik i HEC-eve ka rënë aty ky nuk duhet të bjerë më dhe çështje ditësh duhet të dalim në import dhe të dalim në import do fillojmë me ato çmimet marramendëse”, u shpreh kryeministri.