Rusia duket se po ul ambiciet e saj për luftën. Ministria e Mbrojtjes tha se faza e parë e operacionit të saj ushtarak në përgjithësi ishte e përfunduar, dhe se tanimë do të fokusohen në “çlirimin” e rajonit lindor të Donbasit, në Ukrainës. Kjo shënon një ulje të objektivave pas synimit fillestar të ‘denazifikimit’ ose me fjalë të tjera ndryshimit të regjimit.

Ministria ruse e mbrojtjes pranoi se 1,351 ushtarë rusë kanë vdekur që nga fillimi i “operacionit special ushtarak” në Ukrainë, përditësimi i parë që nga 2 marsi. Sipas inteligjencës amerikane shifra reale mund të jetë mbi 7,000.

Numri i vdekjeve në Ukrainë vazhdon të rritet. OKB-ja tha se janë konfirmuar 1,081 civilë të vdekur dhe 1,707 ishin plagosur, nërsa numrin real pritet të jetë dukshëm më i lartë.

Situata në Mariupol mbetet e rëndë. Kreu i ekipit të OKB-së për të drejtat e njeriut në Ukrainë tha se vëzhguesit kishin marrë informacione të shumta për varrezat masive në qytetin e rrethuar, duke përfshirë një që dukej të mbante rreth 200 trupa.

Zyrtarët e Mariupol thanë se të paktën 300 njerëz janë konfirmuar të vrarë në bombardimin e 16 marsit në Teatrin e Dramës. Rreth 1,300 besohet të jetë numri i të ishin strehuarve në ndërtesë.

Presidenti rus Vladimir Putin tha se perëndimi ishte diskriminues ndaj kulturës ruse, duke krahasuar trajtimin e figurave kulturore ruse me atë të autores së “anuluar” të Harry Potter, JK Roëling.

Forcat kryengritëse ruse vranë një komandant rus me një tank, thanë zyrtarët perëndimorë. Mbretëria e Bashkuar dhe vendet e tjera perëndimore besojnë se forcat ruse po vuajnë nga morali gjithnjë e më i dobët pasi kanë humbje të mëdha në luftime.

Spotify është kompania e fundit që njoftoi se do të pezullojë plotësisht shërbimet në Rusi, duke përmendur legjislacionin e ri që mund të ‘rrezikojë’ ‘sigurinë’ e punonjësve ose dëgjuesve.