Eksperti i ekonomisë Pano Soko tha se gati 75% e pagesave të shqiptarëve janë nën minimumin jetik.

Soko u shpreh për “Shqipëria Live” se nëse do të kishte një ligj që do të përcaktonte minimumin jetik, atëherë shifrat e pagave sidomos për njerëzit në nevojë do të ndryshonin.

“Nëse sot do të përcaktonim një ligj për minimumin jetik do të thotë që çdo pagesë që kryhet sot si transfertë personale ndaj individëve në nevojë nuk duhet të ishte më poshtë se minimumi jetik. Ne sot kemi gati 75% të pagesave që kryejmë, i kemi nën minimumin jetik”, tha Sako.

Rritja e çmimeve ngjalli shqetësim te qytetarët të cilët u ngritën në protesta në të gjithë vendin. Përveç çmimit të naftës dhe karburanteve të tjera të cilat ishin të parat, rritja e çmimeve u pasua më vonë nga produktet bazë të shportës.

Qeveria ngriti Bordin Kombëtar të Administrimit të Karburanteve i cili përcakton çmimet në bazë të tregut ndërkombëtar.