Radar
Bordi merr vendimin, rritet sërish çmimi i naftës në Shqipëri
Bordi i Administrimit të çmimeve të karburanteve ka vendosur për rritjen e çmimit të naftës. Sipas burimeve të “Monitor”, çmimi i naftës do të jetë 221 lekë për litër, nga 203 lekë që ishte deri më sot.
Ndërkohë benzina do të jetë 211 lekë për litër, nga 206 që ishte. Këto çmime do të vlejnë për datat 22-24 mars.
Një vendim i tillë pritej, pasi nafta në bursë shënoi rritje ditën e sotme dhe pritet shtrenjtim i mëtejshëm orët në vijim. Çmimi i naftës Brent sot shënoi në 111-112 dollarë për fuçi.
Kujtojmë që Bordi u ngrit nga qeveria, pasi qytetarët i kërkuan kësaj të fundit të ndërhynte për rritjen e paprecedentë të çmimit të naftës. Protestat për rritjen e çmimeve vijojnë, pasi shtrenjtimi është konsideruar abuziv. Qeveria e ka mohuar, duke ia adresuar rritjen e çmimeve luftës në Ukrainë.
