Radar
Arrestohet për trafik droge në Itali këngëtarja Elsa Lila
Një operacion antidrogë është zhvilluar në orët e para të mëngjesit në jug të Romës. Mediat italiane bëjnë me dije se 13 urdhër arreste janë lëshuar për shqiptarë dhe italianë të përfshirë në trafikun e lëndëve narkotike.
Mes 13 urdhër arresteve të lëshuara nga autoritetet italiane është dhe këngëtarja shqiptare Elsa Lila, e cila dyshohet se mbante llogaritë e shitjes së lëndës narkotike.
I përfshirë është edhe boksieri Petrit Bardhi, i njohur si “Titty”, i cili është përmendur dhe herë tjetër në një operacion në korrik 2015 të Gico della Guardia di Finanza: me Arben Zogun (“Riccardino”) i cili punonte për llogari të Fabrizio Diabolik Piscitelli.
Riccardino, Titty dhe Plutoni ishin bërë pjesë e një klani italo-shqiptar të drejtuar nga vëllezërit Guarnera që merreshin me trafikun e drogës.
