Aktualitet
Për kë e ka? Evi Kokalari: Mos i lini protestat të merren peng nga elementë të George Sorosit
Në thelb, këto protesta janë pikërisht kundër sistemit që ka instaluar George Sorosi në Shqipëri.
Aktivistja shqiptaro-amerikane Evi Kokalari thotë se protesta që nisi si një reagim qytetar për uljen e çmimeve, rrezikon të merret peng nga “elementë të George Sorosit”.
Kokalari thotë se në thelb këto protesta janë kundër “sistemit sorosian” që është instaluar në Shqipëri. “Mos i lejoni të merren peng. Këto nuk janë protesta politike”, thotë ndër të tjera ajo.
Reagimi i plotë:
Mos i lini këto protesta të merren peng nga elementët e George Sorosit.
Këto protesta i takojnë popullit dhe luftës së tyre kundrejt rritjes të çmimeve të karburantit, të ushqimeve dhe të standartit të jetesës. Këto protesta janë kundër një regjimi që ka detyruar shumë nga ju të largohen nga vendi. Këto protesta u takojnë atyre që duan të luftojnë padrejtësitë në një vend që dhe drejtësia është marrë peng.
Në thelb, këto protesta janë pikërisht kundër sistemit që ka instaluar George Sorosi në Shqipëri.
Mos lejoni që këto protesta të merren peng. Këto nuk janë protesta politike, por protesta të “SHQIPTAREVE KUNDER SOROSIT” dhe elementëve të tij, duke futur këtu kreun e qeverisë, të bashkisë dhe ata që kanë infiltruar PD-në.
