Deputeti Ervin Salianji ka bërë një tjetër reagim në rrjetet sociale ku shkruan se “Lulzim Basha duhet të ikë”. Deputeti i PD-së thotë se kjo parti është aset kombëtar dhe aspak personal.

“Lulzim Basha duhet të ikë! Megjithëse në këto orë po përpiqet të blejë kohë e të manipulojë duke u përgjëruar “edhe për një tjetër herë të fundit” e cila nuk ka fund, por po tenton të çojë PD drejt fundit!

Ai thotë që “po lufton”, por u bënë 9 vite që luftojmë për të dhe e vetmja luftë e tij është lufta ndaj demokratëve! Duhet ta shohë realitetin në sy, ai nuk mundet më të marrë zvarrë të ardhmen që po bëhet e shkuar. Partia Demokratike është aset kombëtar jo aset personal! Si përherë me demokratët ” – shkruan Salianji.

Ditët e fundit janë shtuar shumë zërat brenda grupit parlamentar të PD për largimin e Bashës, edhe mes atyre që përpara zgjedhjeve të 6 marsit e mbrojtën me forcë kryetarin e vulës përballë Berishës.