Vendet perëndimore po synojnë eksportet e naftës të Rusisë, ndërsa pushtimi i Ukrainës nga presidenti Vladimir Putin, i cili ka detyruar të paktën 2 milionë refugjatë të largohen nga vendi, ka hyrë në ditën e 14-të.

Një evakuim i tensionuar dhe i përkohshëm nga qyteti verilindor i Ukrainës, Sumy u bë pasi një sulm ajror rus vrau 21 persona, thanë autoritetet ukrainase. Rreth 5,000 njerëz u larguan nga qyteti dje, sipas një zyrtari ukrainas.

Presidenti i Ukrainës Volodymyr Zelensky iu drejtua Dhomës së Komunave të Mbretërisë së Bashkuar, duke u kërkuar ligjvënësve të forcojnë sanksionet kundër Moskës. Duke i bërë jehonë fjalimit të famshëm të ish-kryeministrit britanik Winston Churchill gjatë kohës së luftës, Zelensky tha: “Ne do të luftojmë deri në fund në det, në ajër. Ne do të vazhdojmë të luftojmë për tokën tonë, pavarësisht nga kostoja.”

Mbrojtja ajrore e Ukrainës ka “gëzuar sukses të konsiderueshëm kundër avionëve luftarakë modernë të Rusisë”, tha të mërkurën Ministria e Mbrojtjes e Britanisë.

Në përditësimin e fundit të inteligjencës mbi pushtimin rus, ministria tha se Ukraina ka “ndoshta” penguar Rusinë nga “arritja e çdo shkalle të kontrollit të ajrit”.

“Lufta në veri-perëndim të Kievit mbetet e vazhdueshme me forcat ruse që nuk arrijnë të bëjnë ndonjë përparim të rëndësishëm”, shtohet në deklaratë.

Në një përditësim të veçantë të postuar të mërkurën, ministria paralajmëroi se qytetet ukrainase të Kharkiv, Chernihiv, Sumy dhe Mariupol mbeten “të rrethuar nga forcat ruse dhe vazhdojnë të vuajnë nga sulmet e rënda”.

Burimi: CNN