Radar
“Rebelimi” i deputetëve ndaj Bashës/ Shano: S’kanë pse i thonë ik, të ikin vetë
Analisti Dritan Shano ka reaguar mbi “rebelimin” që ka nisur ndaj Lulzim Bashës, pas humbjes së thellë që shënoi PD në zgjedhjet e 6 marsit.
Shano thotë se ata nuk janë deputetë, pasi janë emëruar si të tillë nga dëshira e Bashës. Nisur nga kjo, Shano thotë se duhet të largohen ata dhe ta lënë Bashën vetëm.
“Lexova diku se Deputetët i rebelohen Bashës, i thonë atij dorëhiqu. Ata nuk janë Deputetë, por Dëshira të Bashës. Një e nga një. Dëshira të llojeve të ndryshme, por dëshira ama.
Duke qenë se janë emëruar Deputetë si Dëshira të Bashës, nuk kanë pse i thonë Bashës ik, por le të ikin vetë dhe ta lenë Bashën vetëm”, shkruan Shano në rrjetet sociale.
Kujtojmë që një numër i konsiderueshëm i deputetëve i kanë kërkuar Bashës që të mbajë përgjegjësi personale për humbjen dhe të heqë dorë nga drejtimi i PD-së.
