Lulzim Basha ka vendosur të mbledhë Kolegjin e Kryetarëve.

Mbledhja do të zhvillohet në orën 17:00, ku do të diskutohet për zgjedhjet e 6 marsit, ku Partia Demokratike nuk fitoi asnjë bashki.

Mbledhja e sotme vjen pas mbledhjes së Grupit Parlamentar të ditës së djeshme, ku disa deputetë shprehën pakënaqësi për rezultatin e arritur, duke kërkuar nga kryedemokrati që të largohej nga drejtimi i partisë.

Mes tyre ka qenë Grida Duma, Ferdinand Xhaferri, si dhe Agron Gjekmarkaj, i cili ka dhënë dorëheqjen nga posti i nënkryetarit të PD-së.

Nga ana e tij, Basha ka kërkuar bashkimin e demokratëve, pasi përndryshe PD bie në dorën e Sali Berishës.

Kujtojmë që ditën e hënë, në një pronocim për mediat pas takimit me mësuesit dhe pedagogët për 7 Marsin, Basha tha se nuk ka humbur asnjë garë në jetën e tij, por është përballur me masakra zgjedhore. Ai i quajti zgjedhjet një anomali dhe foli për planet e tij për bashkëpunimin me qytetarët dhe çarjen para të reformës zgjedhore dhe territoriale.