Kryesore
Nafta çmime rekord në Shqipëri, Rama: E padrejtë por është Kastrati ai që vendos, jo unë
Në vendin tonë ka rritje rekord te çmimit të naftës. 1 litër naftë kushton nga 230 në 234 lekë, një rekord historik ky në tregun vendas. Kjo ka acaruar qytetarët, të cilët i kanë shkruar Ramës po ashtu në profilin e tij në Facebook.
“Si ka mundësi që edhe pse çmimi i naftës po rritet, nuk ka asnjë reagim dhe se vetë kryeministri nuk është i shqetësuar për këtë fakt,”- pyet një nga qytetarët në Facebook.
Kësaj pyetjeje Rama i është përgjigjur duke thënë se çmimet po rriten kudo në botë. Sipas kryeministrit të vendit tonë, po të ishte në dorën e qeverisë, këto çmime nuk do të rriteshin, njësoj si energjia elektrike, por ai shton është privati ai që vendos.
Po ashtu, Rama theksoi se edhe Shqipëria do të marrë në kurriz një pjesë të barrës së agresionit mbi Ukrainën, pasi sipas tij, historia ka treguar se kur mbyll njërin sy, armiku të vjen te dera e shtëpisë.
