Radar
Masakroi familjen shqiptare në Greqi, autori pranon krimin: Nuk dilnin nga shtëpia që ua dhashë me qira
Sakis Varvaresos u arrestua mbrëmë nga policia greke, si autori i dyshuar i vrasjes makabre të familjes shqiptare në Andravidha të Greqisë tri ditë më parë.
60-vjeçari, baba i dy fëmijëve, pronari i shtëpisë ku banonte familja Klotsi ka rrëfyer në policia se është ai autori i vrasjes së çiftit dhe fy fëmijëve të tyre të mitur, përkatësisht 2 dhe 3 vjeç në banesë.
Ai ka rrëfyer në polici se shkaku i vrasjes ishte se familja shqiptare nuk largohej nga banesa e tij të cilën ua kishte dhënë me qira dhe me kontratë të rregullt.
Sipas mediave greke , ai donte ta nxirrte familjen shqiptare nga shtëpia e tij pasi kishte gjetur qiraxhinj të tjerë me një çmim më të lartë.
Ai pranoi se kishte bërë përgatitje për të kryer vrasjen dhe se kishte hapur një gropë për të varrosur viktimat dhe për të zhdukur trupat e tyre.
