Presidenti ukrainas Volodymyr Zelensky ka fituar shumë simpati dhe lëvdata për qëndrimin e tij dhe vendimin për të mos ikur nga Ukraina përballë pushtimit rus. Në një kontrast me ish-presidentin afgan Ashraf Ghani i cili u largua nga Kabuli kur talibanët e pushtuan, Zelensky gjithashtu ka refuzuar ofertën e Shteteve të Bashkuara për të evakuuar vendin. “Unë kam nevojë për municion, jo për një udhëtim,”- tha presidenti.

Këtu janë 10 gjëra që duhet të dini për Zelensky

1. Zelensky është një hebre (Jewish) rusisht-folës, i njohur për rolet e tij si komedian.

2. Gjyshi i tij shërbeu në Ushtrinë e Kuqe gjatë Luftës së Dytë Botërore. Duke e kujtuar këtë, ai ka thënë së fundmi: “Thuhet se ne jemi nazistë, por si mund të mbështesë një popull nazistët, një popull që dha më shumë se 8 milionë jetë për fitoren mbi nazizmin? Si mund të jem unë nazist? Po ju kujtoj gjyshin tim, i cili ka kaluar nëpër gjithë luftërat e ushtrisë sovjetike dhe vdiq si kolonel në Ukrainën e pavarur”.

3. Zelensky ka një diplomë në juridik, por ai kurrë nuk ka punuar në këtë fushë.

4. Në zgjedhjet e 2019-ën, ai ishte kandidati më i pamundshëm. Por pasi ai njoftoi hyrjen e tij në zgjedhje, Zelensky ishte përpara në sondazhin e opinionit.

5. Para hyrjes së tij në politikë, Zelensky ishte një aktor, një komedian. Ai kishte edhe një studio produksioni. Shfaqja e tij më e famshme televizive është “Servant of the People ” ku ai luajti rolin e një mësuesi shkolle, i cili bëhet president i Ukrainës.

6. Zelensky fitoi zgjedhjet e 2019 me 73% të votave.

7. Volodymyr Zelensky është akuzuar për korrupsion dhe është përmendur në Pandora Papers.

8. Në fushatën e tij presidenciale, Zelensky kishte premtuar t’i jepte fund konfliktit me Rusinë.

9. Kur Zelensky u bë president, shumë e quajtën atë një Donald Trump ukrainas për shkak të lidhjes së tyre me industrinë e argëtimit.

10. E martuar me Olena Zelenska që nga viti 2003, Zelensky ka një djalë dhe një vajzë.

Pasi Rusia sulmoi Ukrainën, ai iu drejtua ukrainasve dhe komunikoi me botën përmes rrjeteve sociale. Të shtunën, ai publikoi një video selfie mes tingujve të shpërthimeve ku tha se është në Kiev dhe do të mbetet i tillë. “E vërteta është se kjo është toka jonë, vendi ynë, fëmijët tanë dhe ne do t’i mbrojmë të gjithë,” tha ai.