Autoritetet e rajonit jugor të Ukrainës Odessa thanë sot se 18 persona u vranë në një sulm me raketa.

Të paktën gjashtë persona u vranë në qytetin ukrainas të Brovary, që ndodhet afër kryeqytetit të Kievit, thanë autoritetet nga qyteti.

Shpërthime dhe të shtëna armësh janë dëgjuar në të gjithë Ukrainën pasi forcat ruse pushtuan vendin.
Një ndërtesë banimi në Chuguev u shkatërrua nga sulmi raketor.

Ndërkohë një zjarr i madh raportohet pranë ndërtesës së inteligjencës të ministrisë së mbrojtjes së Ukrainës në qendër të Kievit

Ukraina thotë se disa nga qendrat e saj komanduese ushtarake janë goditur nga sulmet raketore ruse.

Pak jashtë Kievit, në qytetin e Brovary, autoritetet thonë se të paktën gjashtë persona u vranë nga një seri sulmesh me raketa.

Shefi i NATO-s, Jens Stoltenberg, duke komentuar situatën në Ukrainë, ka thënë se ky është moment i rëndë për sigurinë në Evropë.

“Ne kemi një luftë në Evropë, të shkallës dhe llojit që kemi menduar se i përkiste historisë”.

Ai ka thënë se ka përfunduar një takim me zyrtarë të NATO-s dhe një listë të gjatë të shteteve që janë pajtuar për të mbajtur konsultime urgjente.