Uji është një produkt që njihet për efektin e tij pastrues në trupin e secilit. Prania e tij në organizëm rrit aftësinë e lukthit që të thithë të gjitha materiet e nevojshme ushqyese nga ushqimi.

Shkencëtarë të shumtë nga vende të ndryshme kanë ardhur në përfundim që është ideale në mëngjes, sapo të zgjohemi dhe para se t’i lajmë dhëmbët dhe fytyrën, të pimë 600 ml ujë.

Që të jetë një efekt sa më pozitiv për organizmin është e rëndësishme që ju për 45 minuta të mos hani dhe pini asgjë. Pas kësaj kohe mund të hani mëngjesin, apo që dy orët e ardhshme asgjë të mos fusin në organizëm.

Në rastin e tillë uji do të ndihmojë në eliminimin e helmeve nga organizmi ynë. Kjo, në rend të parë, vërehet në lëkurën e fytyrës dhe të trupit, e cila do të bëhet më e freskët dhe më e pastër.

Megjithatë, nëse nuk fusim mjaft ujë në organizëm, rritet rreziku nga sëmundje të ndryshme dhe probleme shëndetësore siç janë: kanceri i gjirit dhe i mitrës, leukemia, diabeti, gurët në veshka, astma, kapsllëku, dhembja e kokës e shumë sëmundje të tjera.

Nëse megjithatë ju duket e tepërt të pini 600 ml ujë sapo të zgjoheni në mëngjes, duhet të filloni me sasi më të vogël të cilën gradualisht duhet ta shtoni.