Kioske
Në Shqipëri premtohen miliarda, nuk vijnë miliarda, por vidhen miliarda
Koment nga Respublica.al
Në Shqipëri ka një projekt për ndërtimin e portit në Durrës. Thonë se do hidhen 2 miliardë dollarë.
Në Shqipëri u fol për ndërtimin e një porti në Karpen, madje u miratua edhe një ligj i posaçëm. 5 miliardë dollarë u fol se do të vinin.
Në Shqipëri u fol për një kullë 250 milionë dollarë në Tiranë.
Pra vetëm për këto 3 projekte janë përfolur 7 miliardë 250 milionë dollarë. Nuk është keq. Nëse këto para do të vinin. Por ata nuk kanë ardhur.
Nga ana tjetër në Shqipëri në rrugën Durrës-Kukës u vodhën 200 milionë euro. Pastaj 400 milionë me aferën e CEZ-it, më pas 430 milionë me inceneratorët dhe pa ndalim me rrugët.
Pra po themi se korrupsioni ka kapur shifrat e 1 miliardë dollarëve në tërësi. Jo vetëm për këto vepra. Këto shifra janë reale dhe të prekshme, janë arsyeja pse ky vend po shtrëmbërohet derisa të fundoset.
Ndaj në bilancin e ëndrrave për të thithur dhe oreksit për të vjedhur ne patjetër që figurojmë me një deficit të hatashëm të cilin nuk ka fasadë që e mbulon.
