Arjan Konomi është nga opinionistët më të pëlqyer nga publiku shqiptar, i cili prej dy sezonesh është krah Bora Zemanit në ‘’Për’puthen’’. Kujtojmë se në fillim për publikun shqiptar, ai u bë i njohur kur ishte opinionist në “Big Brother”.

Arjani përveçse punon me Borën, duket se ka dhe një raport miqësor me moderatoren dhe ai e ka mbështetur publikisht – në mënyre indirekte – për situatën e krijuar me Donaldin, pasi ky i fundit e tradhtoi dhe u lidh me Beatrixën.

Lidhur me këtë situatë, Arjani ka folur për herë të parë hapur, teksa ka kritikuar ashpër Donaldin.  Gjatë një videoje ‘live’ në TikTok me Kozakun, ai është shprehur se nuk e ka patur qejf Donaldin dhe theksoi se veprimi i tij kundrejt Borës ka treguar “mungesë burrërie dhe pjekurie”.

“Nuk jam dot ndonjë mendim të saktë për këtë gjë sepse nuk e kam njohur mirë marrëdhënien e tyre. Unë me Borën kemi miqësi shumë të mirë, shkojmë në mënyrë të shkëlqyer, merremi vesh shumë mirë. Unë jam me fat që e kam atë kolege dhe besoj se për sa kohë do të jemi bashkë do të shkojmë shumë mirë. Por nga ana personale nuk është se flasim shumë. Me thënë të drejtën nuk e kam takuar asnjëherë Donaldin, edhe kur ishte me Borën dhe një nga arsyet është që unë nuk e kam patur qejf atë. Jo se kam gjë për atë si djalë, është djalë i mirë por nuk e shikoja dot Borën me atë. Nuk është se Bora në atë situatë humbi diçka, pavarësisht se ishte në mënyrë jo të bukur dhe aspak elegante dhe të lëndosh një njeri në mënyrë të atillë aq më tepër publikisht nuk tregon as pjekuri, as burrëri. Vazhdojmë luajmë me ‘Spiderman’”- është shprehur Arjani.