Sport
Ronaldo blen pikturën e një shqiptari, kush është artisti që e realizoi
Cristiano Ronaldo ka në shtëpi një pikturë të punuar nga një artist shqiptar. Bëhet fjalë për piktorin Agron Hoti, i cili karrierën e tij po e zhvillon në Verona të Italisë.
Dy vite më parë, kur Ronaldo kishte shkuar në Verona me ekipin e Juventusit për një ndeshje të Seria A kishte blerë dhe pikturën që Hoti kishte bërë për të. I ftuar në Euronews Albania, Hoti tha se nuk kishte mundur ta takonte Ronaldon për shkak të pandemisë.
“Idhulli im është Ibrahimoviç. Unë jam milanist,” – deklaroi artisti ndërsa sqaroi se po punon një pikturë edhe për të.
Artisti shqiptar nuk zbuloi se sa kishte kushtuar piktura të cilën e ka blerë ylli portugez.
