Radar
Rritja e çmimeve nuk ndalet, kryesojnë produktet e shportës dhe transporti
Rritja e çmimeve ka vijuar edhe në muajin janar të këtij viti. Ndryshimi vjetor i indeksit të çmimeve të konsumit në muajin që lamë pas ishte 3,7 %, një vit më parë ky tregues shënonte 0,4 %.
Ndërsa duke krahësuar muajt dhjetor 2021 me janar 2022, ndryshimi ishte 1,3 %. Ndikimin kryesor në këtë rritje çmimesh vijojnë ta japing dy grupet kryesore “Ushqime dhe pije joalkoolike” me 2,35% dhe “Transporti” me 0,48%.
Duke i krahësuar me një vit më parë, rritjen më të madhe të çmimeve e ka pësuar “Transporti” me 9%. Ky shtrenjtim i konsiderueshëm ka ardhur si pasojë e rritjes së çmimit të karburanteve.
Ndërsa grupi “Ushqime dhe pije joalkoolike” është rritur me 6,7 %. Kategoritë e tjeta si “Argëtim dhe kulturë” me 3,5 %, “Komunikimi” , “Hotele, kafene dhe restorante”, “Qira, ujë, lëndë djegëse dhe energji” kanë pësuar rritje, por në tregues më të ulët.
Burimi: INSTAT
