Beatrix Ramosaj ka folur për herë të parë për të gjithë rrugëtimin e saj brenda shtëpisë së Big Brother Vip. Ajo ka sqaruar shumë nga dinamikat e krijuara, ku nuk la pa përmendur as “gjyqin”e famshëm që i’u bë për shkak të lidhjes së saj me Donaldin.

Triksa rrëfeu se momenti kur ajo është gjykuar për shkak tën djenjave të saj për aktorin ka qenë më keq se kur ka humbur babain e saj.

“Ka pasur momente të vështira aty brenda. Nëse kam qëndruar me këmbët e mia në varrin e babait, kur ndodhi gjyqi i famshëm nuk kam qëndruar dot. Momenti që jam gjykuar ka qenë më i keq se kur kam humbur babain. Unë që ndora zemrën time, unë që dashurova më fyen”, tha ajo në “Fun Club”.

Ajo foli gjithashtu për krijimin e këngës së saj të titulluar “Faj” dhe mënyrën se si e priti momentin që banorët e dëgjuan për herë të parë.

“Po më ka marrë malli shumë për Donaldin. Emocionohem shumë kur edhe atë e merrë malli. U emocionova shumë kur ai dëgjoi këngën. Kur kam krijuar këngën kam qenë shumë e mpirë. Kur isha në studio kisha një lirshmëri tjetër. E kemi shkruajtur këngën, por asnjëherë nuk ka qenë e planifikuar.

Fraza që e kam më shumë përzemër në këngë është “Ne kuptoheshim me sy”. Duke qënë gjithë kohës nën presionin e kamerave dhe nga pamundësia për të folur kuptoheshim shumë mirë të dy.”- shtoi këngëtarja.