Paralajmërohet rritje e çmimit të bukës. Qeveria nuk siguron rezerva gruri dhe mielli

Vendi ynë mund të preket sërish nga një rritje e çmimit të bukës dhe nënprodukteve të grurit për shkak të rritjes së çmimeve në vendet nga importojmë, por edhe kufizimit të shitjeve për shkak se ulet sasia e pordhimit. Në një intervistë për SCAN, Prof dr. Abdyl Sinani, ekspert në fushën e ushqimit, shprehet se kjo ndodh për shkak të varësisë së lartë që kemi ndaj importit të grurit dhe prodhimit të ulët në vend, i cili nuk plotëson kërkesën konsumatotore.

Prof Sinani sqaron se parandalimi i rritjes së çmit të bukës dhe nënprodukteve të tjera, bëhet përmes ndërhyrjes së shtetit, duke blerë rezerva në pikun e prodhimit, si dhe duke kontrolluar kompanitë që tregojnë miellin.

Aktualisht në vend prodhohen mesatarisht 300 mijë ton grurë në vit, nga 600 mijë që është prodhuar përpara viteve ‘90, ndërsa importohen 233 mijë ton. Vendet kryesore nga importojmë, janë Rusia, Ukrahina, SHBA, etj/Elisabeta Dosku / SCAN