Sokol Balla, i njohur si një nga gazetarët e oborrit të Rilindjes pak ditë më parë ka braktisur televizionin News24, ku shkoi si shëtitës për disa kohë pasi u largua nga Vizion Plus, ku ishte strehuar pas largimit nga Top Channel.

Balla mësohet se tashmë do të shkojë në televizionin ABC News. Burime i thanë CNA.al se njeriu që është kujdesur për strehimin e Sokol Ballës në një televizion është vetë Endri Fuga, drejtori i propagandës, i quajtur ndryshe “Gebelsi” i Edi Ramës.

Por Balla tashmë do të jetë në televizionin ABC News, i cili është blerë prej disa kohësh nga të tjerë pronarë dhe është parë si një profil opozitar por edhe në mbështetje të hapur të Lulzim Bashës.

Tashmë vajtja e moderatorit Sokol Balla, i njohur ndryshe si shërbëtor i oborrit të Rilindjes, pritet të japë edhe efektet e para me ndryshimin e linjës editoriale dhe mbështetjen e qeverisë në këtë televizion./CNA.al