Radar
Trump sapo konfirmoi se do të kandidojë sërish për president në vitin 2024?
Ish-presidenti Donald Trump la të kuptohet gjatë një mitingu se do të kandidojë për president në zgjedhjet e vitit 2024. Ai tha gjithashtu se do të konsideronte faljen e atyre që u akuzuan në lidhje me sulmin vdekjeprurës të 6 janarit 2021 në Kapitolin e SHBA, nëse ai fiton përsëri Shtëpinë e Bardhë.
“Nëse kandidoj dhe nëse fitoj, ne do t’i trajtojmë ata njerëz me drejtësi nga 6 janari. Ne do t’i trajtojmë ata me drejtësi”, tha Trump. “Dhe nëse kërkojnë falje, ne do t’u japim falje. Sepse po trajtohen kaq padrejtësisht.”
Departamenti i Drejtësisë ka akuzuar më shumë se 700 persona në lidhje me sulmin në Kapitol.
Trump nuk tha në mënyrë të drejtpërdrejtë se do të kandidojë për president në vitin 2024. Por ai tha se në vitin 2024, “Ne do të marrim përsëri Shtëpinë e Bardhë”.
