Vijon procesi i votimit për primaret e Komisionit të Rithemelimit për gjashtë bashkitë pa kryetar. Në Shkodër ka pasur fluks më të madh. Një mbështetëse e ish-liderit Sali Berisha, Shpresa Qehaja ka dhënë një prononcim për gazetarët pasi ka votuar në Shkodër.

Ajo ka treguar se ka qenë pjesë e protestave të opozitës dhe se ka shkuar në burg për kryedemokratin Lulzim Basha. Gjithashtu ka bërë me dije se vijon të jetë në procese gjyqësore dhe me detyrim paraqitje.

Demokratja u shpreh se në 8 janar ajo dhe të tjerët donin të hynin në shtëpinë e tyrë, duke theksuar se “helmi” i Bashës ishte më i fortë se ai i protestave kundër qeverisë.

“Votova. Unë jam një demokrate e flaktë me shpirt dhe me zemër. Kam qenë në 13 protesta. Në protestën e parë më kanë future në burg 72 orë për Lul bravën dhe sot jam me detyrim paraqitje dy herë në muaj në Tiranë edhe në gjyq.

Më 8 janar shkuam të hyjmë në shtëpinë tonë, hëngëm helm. Dhe sot jam e sëmurë me ilaçe për punën e helmit. Helm hëngra në 18 protesta, por ai helm ishtë më i lehtë se helmi i Lulzim bravës. PD pa Lulzim Bashën do të jetë më fortë”, tha demokratja.