Tej e Këtej – Tpz.al

Spartak Ngjela dhe portreti i tij i varur në mur

Në këto ditë të tmerrshme të infektimit masiv mbarë popullor dhe në këtë situatë, kur gjetja e folësve dhe komentatorëve të politikës është shumë e vështirë, për shkak të sëmundjes gjithëpërfshirëse, është një njeri, që as sëmuret, as lodhet, as trishtohet, as dorëzohet, as sheh, as dëgjon, por veç pjerdh!
Ky është zëdhënësi i Departamentit të Shtetit dhe FBI-së bashkë, për rajonin e Ballkanit, avokati përtej i ditur dhe i ndriçuar, Spartak Ngjela. 

Pasi ka ndjekur intervistën e kryeministrit Rama, te zonja Eni, avokati ka mbërritur në konkluzione tmerrësisht të thella.

Konkluzioni kryesor, që ka tronditur të madh e të vogël, sipas avokatit, është që Lulzim Basha ka një rritje të paimagjinueshme dhe Edi Rama është i tmerruar nga kjo rritje.

–Dhe ka të drejtë të jetë i trembur, – thekson avokati i ditur. Rritja e Bashës, si likujdues i Sali Berishës e ka shqetësuar Ramën se; kjo rritje e vijueshme e Bashës e sjell gjendjen drejt zgjedhjeve të parakohshme, brenda gjashtëmujorit të parë të këtij viti…

Pasi e lexoi këtë status, Luli ynë që tani fle ditë e natë në seli, së pari ia nisi ambasadores Yuri Kim dhe së dyti, Patrikut të zyrës së shtypit, që t’i japë një shpërndarje në adresat fallco të Lulit dhe Kunatit.

PS. Për t’u njohur më gjerësisht, thellësisht dhe gjatësisht, me mendimet e vyera të avokatit më të ditur të këtyre anëve, në të gjitha kohët, ju lutemi lexojeni statusin e tij të plotë!

SPARTAK NGJELA:

“Rama mbrëmë në bisedim në Top Chanel, nuk e mbajti dot veten: ishte i trembur shumë nga Lulzim Basha.

Dhe ka të drejtë të jetë i trembur: rritja e Bashës, si likuidues i Sali Berishës, e ka shqetësuar Ramën se; kjo rritje e vijueshme e Bashës, e sjell gjendjen drejt zgjedhjeve të parakohshme, brenda gjashtëmujorit të parë të këtij viti.

Kjo është ajo që pritet.

Le ta shohim situatën ditë pas dite…“