Dy shembuj shtetbërjeje nga fqinjët

Nga Nadir Hoti

Dy shembuj shtetbërjeje nga fqinjët:

1- Ngricat dhe acari bllokuan dhjetëra makina në autostradat e Greqisë. Kërkuan ndihmë nga shteti dhe u shpëtuan.

Firma private përgjegjëse për mirëmbajtjen e rrugëve u kërkoi falje publike të gjithëve dhe u premtoi një pagesë prej 2000 euro në formë dëmshpërblimi çdo makine të mbetur në rrugë.

2- Ngricat, acari dhe bora e madhe bëri që aeroporti i ri i Stambollit të bllokojë fluturimet. Qindra e mijëra udhëtarë, turq e të huaj, mbetën në aeroport. Sikur të mos mjaftonte kjo, edhe rrugët që lidhin aeroportin me qytetin ishin bllokuar.

Autoritetet u kërkuan udhëtarëve që të pritnin derisa të përmirësohej situata(!). Turqit janë mësuar me këto gjëra dhe zunë qoshet e ia futën gjumit mbi kartona.

Ndërsa turistët e huaj u revoltuan dhe kërkuan me forcë që të gjendej mënyra e të akomodoheshin nëpër hotele.

Autoritetet menjëherë morën masa dhe thirrën policinë për t’i vënë nën kontroll turistët e “çmendur”