Miqësia është si një filiz, të cilin nëse e ushqen me dashuri çdo ditë, krijon rrënjë të forta dhe në fund shndërrohet në një pemë të bukur, dhe shoqja UJOR e di këtë. Në qoftë se keni një të tillë në jetën tuaj quajeni veten me fat, sidomos nëse shfaq këto dy karakteristika. 

Ka një karakter të fortë e nuk dorëzohet kurrë: Të mërzitura sepse gjërat nuk shkojnë mirë në punë, keni probleme me partnerin dhe ndiheni të lodhura nga gjithçka? Një shoqe Ujor është aty për t’ju treguar se jeta nuk është vetëm bardhë e zi, përkundrazi ka ngjyra shumë të bukura. Është e fortë dhe e palëkundur. Për të fjala disfatë nuk ekziston, ndaj mos mendoni se mund të hiqni dorë lehtë. Energjia e saj është ngjitëse. 

Di të jetë kritike aty kur duhet: Të kesh një shoqe të mirë, nuk do të thotë domosdoshmërish të kesh pranë vetes dikë që thjesht të përkëdhel sedrën. Shoqet e vërteta duhet të ngrenë edhe zërin, apo të shkulin veshin, dhe UJORI e bën që ç’ke me të. Di të jetë kritike dhe asnjanëse aty ku duhet, madje shpeshherë është ajo që vë frerët në miqësi. Mund t’ju tingëllojë e çuditshme, por një shoqe UJOR karakterizohet nga shpirti i sakrificës në miqësi. Është ajo e cila kursen, mbledh, llogarit edhe gjënë më të vogël tek vetja, në mënyrë që t’ju kënaqë juve.