Ka patur parime të cilat ai I dinte se po t’i shkelte unë nuk i pranoja.

Në një intervistë ekskluzive, për emisionin “Drejt” në RTV Ora lideri historik i Partisë Demokratike foli mbi situatën ku ndodhet partia që themeloi por edhe për çështje të nxehta të aktualitetit politik.

Në zgjedhjet e pjesshme vendore që do të zhvillohen në 6 Mars, Partia Demokratike duket se do ta dalë me dy kandidatura për çdo Bashki.

Për Sali Berishën është e qartë se cila është Partia Demokratike ndërsa Basha tha ai nuk firmos dot kandidatura për shkak se është shkarkuar nga detyra. 

Sali Berisha: Eshtë shumë e qartë se kush është Partia Demokratike. Nuk ka asnjë alternativë tjetër sepse Basha përfaqëson pengun e Ramës dhe asgjë tjetër. Basha ka bërë një anti-kuvend. Basha nuk firmos dot kandidatura. Kryetari nuk mund të thotë se nuk pa deklarimin e delegatëve që i shiti nga 1950 për 5004. Basha është një uzurpator i Edi Ramës dhe përfaqësuesi i PD-së është komisioni.” 

Pasardhësin Basha e cilësoi si deputetin më të inkriminuar dhe kukull të Edi Ramës.

Sali Berisha: Ka patur parime të cilat ai I dinte se po t’i shkelte unë nuk i pranoja. Një nga këto ishte koalicioni me Edi Ramën. Mua më është kërkuar një gjë e tillë dhe kam refuzuar në mënyrë kategorike.

Protestën e 8 janarit në këndvështrimin e Berishës ishte e drejtë dhe paqësore. Kryeministrin Edi Rama e akuzoi se përgatiti me mjete policie trafikantët që flinin në selinë e PD.

Pas vendimit të shpalljes “non grata” tha se fshihen George Soros, Aleksandër Vuçiç dhe Edi Rama. 

Akuza të ashpra adresoi edhe për ambasadoren e Shteteve të Bashkuara të Amerikës Juri Kim, për të cilën tha se jo rrallë herë bën ministren e propagandës së kryeministrit.