Analisti Andi Bushati është i bindur se kryedemokrati Lulzim Basha dhe kryeministri Rama, kanë një bashkëpunim midis tyre.

Në studion e “Open”, Bushati deklaroi se Basha e dinte se policia do të ndërhynte, duke pohuar se ai u bë njësh me të dhe i bëri thirrje publikisht t’i kërkojë falje çdo shqiptari që është dhunuar dhe ka ‘ngrënë’ gaz lotjsellës.

“Edhe kjo më ka bindur që janë bashkë, jo se kanë pazar me njëri tjetrin, njëri ka nevojë të mbrojë kokën, në këtë rast Basha, ndërsa Rama nuk do Lulzim Bashën por do të mbajë PD të përçarë dhe të bymejë krahun më të sfilitur dhe do mbajë një seli të përçarë. Dihej që do hynte policia! Nëse Basha thotë se s’kisha rrugë tjetër veçse të thërrisja policinë duhet të dalë publikisht dhe ti thotë shqiptarëve që policia ka vepruar shumë mirë te teatri, palloi në drru të gjithë ata që kundërshtoi. Të kërkojë falje për çdo njeri që ka protestuar dhe ka ngrënë drru e gaz lotsjellës. Unë jam me atë Bashën e parë që kemi polici qorre që na fsheh provat në Elbasan, që nuk ka asnjë ligj, një bandë politike. Nëse Basha jo vetëm thërriti bandën politike për të shpëtuar karrigen e vet por ka kaluar pesë ditë dhe për herë të parë mezi dëgjova sot nga Bejko një gjysmë fjalie ndoshta përdorëm më shumë gaz se ç’duhet. Në vend të strukej në vrimën e miut thirri policinë! Basha mbylli sqepin dhe u bë njësh me policinë”, deklaroi Bushati.