Kanye West është “qartësisht i lënduar” dhe romanca e tij me aktoren Julia Fox është “një lojë për t’u futur nën lëkurën e ish-gruas, Kim Kardashian”, thonë burimet për Page Six.

Lidhja e West me Fox nisi në një kohë shumë të shkurtër, vetëm pak kohë pasi Kim zyrtarizoi lidhjen me Pete Davidson.

“Është një lojë e dëshpëruar për vëmendje. Nuk ka asnjë shpjegim tjetër kur ai zgjedh … [Fox] për të dalë në publik”, tha një burim për Page Six.

Një burim tjetër këmbënguli që West është i lënduar pasi Kardashian u lidh me Davidson. Reperi i ka bërë thirrje ish-it që të kthehet sërish tek ai, edhe pse ai ka dalë me një sërë modelesh pas ndarjes.

“Ai lufton publikisht për kthimin e familjes së tij dhe më pas lidhet me të gjitha këto vajza të ndryshme. Është shumë e çuditshme”, tha burimi.

Kanye dhe Julia u fotografuan për herë të parë nga fotografi i vetë reperit në Miami dhe Nju-Jork në fillim të këtij muaji. Më pas, në një intervistë për Interview, Fox tha se ata patën një “lidhje të menjëhershme” pas takimit në natën e Vitit të Ri dhe se Kanye e kishte surprizuar atë me një suitë hoteli plot me rroba.