Nga selia blu, ish-kryeministri Sali Berisha i ka drejtuar një mesazh edhe të ashtuquajturëve ‘mercenarë’, fotoja e të cilëve u publikua dje , por që nga ana e Lulzim Bashës u mohua.

Berisha i paralajmëroi të largohen nga selia blu, në të kundërt do të përballen me pasoja të rënda.

“Absolutisht kemi informacione i kemi të regjistruar. Unë i ftoj ata t’i nxjerrin nga selia dhe mos bëjnë mercenarin sepse do të përballen me pasoja shumë të rënda”, deklaroi Berisha.

Pyetjes nëse do të arrijë apo jo t’i hapë dyert e kyçura të selisë, Berisha iu përgjigj pa hezitim  se një gjë e tillë do të ndodhë, madje theksoi se çdo blind apo beton do t’i dërgohet Bashës në shtëpi.

“Nuk ka asnjë diskutim që dyert do të hapen. që selia do t’iu kthehet demokratëve. Nuk ka blind apo beton që mund të pengojë demokratët shqiptarë ta kthejnë këtë ndërtesë nga kullë në ndërtesë të lirisë. Çdo blind që është vendosur në këtë ndërtesë dhe do të dërgohet në shtëpinë e tij dhe të bëjë ç’të dojë”, shtoi Berisha.