Prokuroria ka kërkuar dënimin me 25 vite burgim për Izet Haxhinë,për vrasjen e ish-deputetit demokrat Azem Hajdari në vitin 1998.

Avokati i Haxhisë ka kërkuar riçelje të shqyrtimit gjyqësor, por kërkesa është rrëzuar nga gjykata, dhe kjo ka bërë që Izet Haxhia të braktisë seancën në  shenjë proteste.

Haxhia është arrestuar nga policia turke në vitin 2006, pasi ishte në listën e të kërkuarve të Interpol Tiranës. Ai kërkoi strehim politik në Turqi, me argumentin se i rrezikohej jeta. Atij nuk iu miratua azili po përfitoi një leje qëndrimi për një kohë të pacaktuar, me kushtin që të mos dilte jashtë Turqisë.

Për 12 vjet me radhë, autoritetet turke kishin refuzuar transferimin e tij në Shqipëri, por në 2018 Gjykata e Lartë Turke aprovoi ekstradimin dhe ky vendim u pranua edhe nga Ministri Turk i Drejtësisë.

Haxhia u dënua në mungesë për  vrasjen e Azem Hajdari. 52 vjeçari nga fshati Babinë i Tropojës në 29 prill të vitit 2002 u dënua me 25 vjet burg për vrasjen e Azem Hajdarit nga Gjykata e Tiranës.