Radar
Berisha çmonton Bashën/ E mbushi sallën me falangat e Çilit
Ish-kryeministri Sali Berisha ka komentuar sot anti-Kuvendin e zhvilluar nga Lulzim Basha, në 18 Dhjetor në Pallatin e Kongreseve.
Gjatë një konference për mediat, nga selia blu, Berisha tha se i ashtuquajturi Kuvend i Bashës, nuk kishte kuorumin e mjaftueshëm për të marrë vendime.
Po ashtu, Berisha deklaroi se Basha e mbushi sallën me falangat e Henri Çilit.
“E njihni ju Henri Çilin?
Personazhi më i shpeshtë në media, derisa u mbyll në banesë pasi i ofroi një drejtuesi të drejtësisë 500 mijë euro për të bërë një favor në gjykatë.
Nisi falangat nga ai univeristet për turpin e tij, njerëz që nuk kanë qënë kurrë në parti as delegat, për të plotësuar numrin 1958.
Për të mos thënë pastaj edhe ish-kryetarë bashkie të PS dhe disa delinkuentë të tjerë”-tha ndër të tjera Berisha.
