Ish kryeministri Sali Berisha ka dalë nga shtëpia për të marrë pjesë në votimin për shkarkimin e Lulzim Bashës në sajë të referendumit që u vendos në Kuvendin Kombëtar të 11 dhjetorit në qendrën e votimit në Bar Amerika, në rrugën e Elbasanit, fare pranë ambasadës së SHBA.

Në një deklaratë për mediat, Berisha tha se sot ëhstë një ditë historike për PD dhe një kapitull i ri në rrugën e rithemelimit të PD.

Berisha: Një ditë historike për lirinë në PD, pluralizmin dhe shoqërinë shqiptarë. Ky është një kapitull i ri në rrugën e rithemelimit të PD. Është një kat madhor që ka dridhur themelet e narkoshtetit. E patë mbrëmë Ramën se si përpiqej të tjetërsohej në cdo gjë tjetër nga ai që është.

E patë Lul bravën se si ka mbledh në antikuvendin e tij nga nxënës shkollash deri te kryetarë me mandate të bashkive të PS.

Nga ana tjetër opozita e vërtetë në hapat e parë ka shkaktuar entuziazëm, shpresë dhe besim në rritje në rininë dhe shtresat tjera të popullsisë.  Krahu tjetër po shëmtohet me aktet e veta. Ato që bën Basha, skenarin e merr nga kreu i Meduzës. Do kenë të njëjtin fund dhe fat.

Të hënën ora 16.00 të gjithë demokratët në protestën e madhe në mbrojtje të interesit kombëtar, por edhe kundër vjedhjes së tmerrshme të 430 mln eurove që kërkon kreu i Meduzës me SPAKUn e tij ti fshehë.

Po i mbledh nën cilësinë e sovranit, Kuvendi është autoriteti më i lartë i PD që urdhëroi me votë thirrjen e referendumit.

Kisha paralajmëruar se Ballkani i Hapur nuk mund të kalojë më si aleancë trelaterale kundër interesave jetike të shqiptarëve që po nxit destabilizimin dhe kërkon të largojë Ballkanin duke sfiduar nismën e Berlinit nga BE dhe ta vendosë si zonë influence të Rusisë.