Të gjithë e duam gjumin e mëngjesit, edhe nëse kemi fjetur herët, madje disa më shumë se të tjerët. Duket sikur çdo gjë që na nevojitet është gjumi dhe jeta do të jetë më e mirë nëse flemë sa duam. Megjithatë, gjumi në fakt mund të kthehet nga mik në armik nëse kënaqemi me të pa asnjë kufi.

Lexoni më poshtë pse gjumi i tepërt ka shumë efekte anësore, mund t’ju bëjnë të doni të flini më pak.

Mund të ndiheni të rraskapitur gjatë gjithë kohës

Çuditërisht, ndryshe nga çfarë mund të mendoni të flini shumë nuk ju bën të ndiheni të freskët dhe energjikë. Përkundrazi, do të përjetoni lodhje dhe mungesë vullneti për të qenë aktivë.

Sasia e rekomanduar e gjumit është 7-9 orë për të rriturit. Nëse flini më shumë se kaq, truri juaj ndihet i lodhur dhe i paaftë për t’u përqëndruar.

Mund të jeni të prirur për dhimbje koke

Kjo është një shenjë e zakonshme e gjumit të tepërt, e cila shkaktohet nga mosfunksionimi i neurotransmetuesve. Gjumi i tepërt zakonisht sjell dhimbje koke të tipit tension . Për më tepër, nëse gërhitni, ka akoma më shumë gjasa të zgjoheni me dhimbje koke. Një sondazh tregoi se 60% e gërhitësve janë të prirur ndaj saj.

Nëse keni sëmiundje kronike mund të përkeqësohen

Shumë shpesh, gjumi i tepërt përkeqëson depresionin kronik dhe gjendje të tjera, të tilla si dhimbjet e shpinës. Për më tepër, nëse keni tendencë të gulçoni për ajër gjatë natës (e njohur edhe si apnea e gjumit ), mund të qëndroni më gjatë në shtrat për shkak të cilësisë së dobët të gjumit.

Mund të ndiheni të inatosur

Në vend që të ndiheni të lumtur dhe plot energji, ka më shumë gjasa të zgjoheni të mërzitur dhe me humor të keq. Zgjimi duke u ndjerë tashmë i lodhur dhe duke kuptuar se nuk mund të jeni aq produktiv sa do të dëshironit, ju prish humorin dhe ju bën më nervoz dhe të zemëruar.

Mund të plakeni para kohe

Jo vetëm që fytyra juaj plaket më shpejt, por edhe truri juaj . Vlerësohet se kjo e fundit mund të plaket deri në 2 vjet. Gjumi i tepërt shkakton probleme me kujtesën dhe përqendrimin. Përveç kësaj, gjumi i tepërt ngadalëson metabolizmin dhe shkakton shtim në peshë.

Siç dihet, sa më të vjetër të jemi, aq më i ngadalshëm bëhet metabolizmi.